મારા દેશની સુરત બદલાઈ રહી છે

કોરોના નામની ભયાનક બીમારી માણસને ખાઈ રહી છે ત્યારે,

માણસની માણસાઈ આ સમયે દેખાઈ રહી છે !

ઈતિહાસમાં પહેલીવાર ઓક્સિજનની અછત દેખાઈ રહી છે ત્યારે,

માણસને પર્યાવરણની કિંમત સમજાઈ રહી છે !

લાખ પ્રયત્નો કરતાં પણ સફળતા મળતી નથી ત્યારે,

હવે માણસને કુદરતની જરૂર જણાઈ રહી છે !

વ્યક્તિ કરતાં વસ્તુઓને મહત્વ આપતા માણસને અત્યારે,

સંબંધોની વ્યાકુળ સમસ્યા સર્જાઈ રહી છે !

આનંદ એ છે કે અત્યારે મારો દેશ સંકટમાં છે ત્યારે,

કુદરતની જુદા જુદા વેશમાં પધરામણી થઈ રહી છે !