હું કેટલો બદલાઈ ગયો છું !

કુદરતના સર્જનનોને ભૂલીને આજ,

હું ટેકનોલોજીની રેસમાં લાગી ગયો છું,

હું કેટલો બદલાઈ ગયો છું !

ગામડાની સુંદર કેડીને ભુલીને આજ,

હું શહેરોની ટ્રાફિકમાં ફસાય ગયો છું,

હું કેટલો બદલાઈ ગયો છું !

મોજ - મજા ને મસ્તીની જિંદગી જીવતો હું આજ,

જવાબદારીઓની જાળમાં ફસાય ગયો છું,

હું કેટલો બદલાઈ ગયો છું !

ઠીકરાની પાટી અને માટીના પેનની મજાને ભૂલીને આજ,

સ્માર્ટફોનની સ્ક્રીન સામે ગોઠવાય ગયો છું !

હું કેટલો બદલાઈ ગયો છું !

મિત્રોનો સાથ આખી દુનિયા સાથે છે એવી અનુભૂતિ કરાવતો ,

આજ સોશ્યિલ મીડિયા પર ગુંચવાય ગયો છું !

હું કેટલો બદલાઈ ગયો છું !

દેશ-દુનિયાની માહિતીથી સાવ અજાણ હું આજે,

દુનિયાદારીની ચોપડીઓમાં છપાય ગયો છું!

હું કેટલો બદલાઈ ગયો છું ! 

નિસ્વાર્થ ભાવે કામ અને મદદ કરતો હું આજે,

સ્વાર્થી લોકોની વચ્ચે સંપેડાય ગયો છું!

હું કેટલો બદલાઈ ગયો છું !

જુની બાળપણ ની યાદો ને ભૂલીને આજ,

હું ભવિષ્યના સપનાંઓમાં સમાય ગયો છું,

હું કેટલો બદલાઈ ગયો છું !