મારા અનેક જન્મ

પ્રેમ કર્યો સાતેય જન્મનો બની રાધા, સમાજ સાથે રહેવા જીવી હું આધા ! 

મનના ઊંડા દરિયામાં હોય છે મોંઘુ મોતી,

એમ મારા મનની અંદર ઊંડે સુધી વાત તારી જ થાતી ! 

જ્યાં તું કહેતો આવીશ હું એક વાર જરૂર 

પણ આંખ ખુલી જાય અને જોઉં તો સમાજની બેડીથી તુંય મજબુર ! 

હું તો એક સ્ત્રી કાના તું તો ઇશ્વર 

હું બની શકું મીરાં,રાધા,અહલ્યા પણ તું બને નટખટ નંદન તારે ગોપી અનેક ! 

હું બની શકું સીતા, ઊર્મિલા, પાર્વતી 

પણ તું તો બને રાજા,રઘુપતિ,શંકર ! 

ભલે નામ તો જોડાયું તારી સાથે બની અર્ધાંગિની ! 

પણ અહીં મને જ કેટલીય વખત બનવું પડ્યું અભાગિની ! 

પ્રસુતિની અસહ્ય પીડા સહી પણ હસતો ચહેરો જોઈ તારો, મૃત્યુમાંથીય આવી પાછી ! 

પણ ઉંમર થઈ ને એજ હાસ્યએ મને રડાવી પાછી !

બની હું દીકરી, બહેન, પત્ની, વહું, માતા સાસુ અનેક પીડામાં પણ અડીખમ રહી ..

કારણ કે હું અનેક જનમ અહી જીવી રહી !