માણો

ગયું સાલ કેવું ગયું આપ જાણો

જે આવ્યું છે સામે તેને આજ માણો

ના બાહર જવાનું થયું કોઈને પણ

કોરોના થશે કંઈ હતો એવો ડર પણ

માસ્ક મોઠે બાંધી મન ને દીધો તાળો !

ગયું સાલ કેવું . . . . .

હતાં સર્વ સંગે ને સંબંધનાં ઉમંગે

છતાં ઓફિસી કામ કરતાં’તાં દંગે

ઘરે ‘શાંતિ રાખો’, સર આવું ઉભારો

ગયું સાલ કેવું . . . .. .

જે જોઈએ મળે નૈ સમસ્યા ટળે નૈ

હતાં બીજે કોઈ પણ ખુદ ના ઘરે નૈ !

હતાં જે ઘરે તેને ના મળતો વિસામો

ગયું સાલ . . .    

ઘણી દુઃખની વાતો વળી સુખનો નાતો

કંઈ છોડ્યું ઘણું ને પામ્યાં એ સંગાથો

જે પામી બેઠાં છો એને તો પિછાણો,

ગયું સાલ કેવું એને આપ જાણો

જે આવ્યું છે સામે એને તો પિછાણો.