લિખિતંગ કોઈ નહીં

હતા તે શબ્દો,

લાગણીની શાહીથી ભરેલા;

પ્રેમથી તરબોળ પણ,

લિખિતંગ કોઈ નહીં.

હતો વર્ણનોમાં હુંજ,

અક્ષરો તે સ્નેહથી વરેલા;

જાણે કાનમાં હુંફાળા બોલ પણ,

લિખિતંગ કોઈ નહીં.

જેટલું વાંચતો,

સમજી મારા મનને ઉછળેલા;

જાણે લહેરાતો કોઈ મૉલ પણ,

લિખિતંગ કોઈ નહીં.

થયો જાણીતો એવો અજાણતા,

જાણે ખુબ મળેલા;

પત્રજ બન્યો તેમનો કૉલ પણ,

લિખિતંગ કોઈ નહીં.

થયો 'શોખીન' લિખિતંગનો,

દબાવી ઉમળકા ઉછળેલા;

બસ ચાહતો તે શબ્દોના ગૂંથનારને,

અન્ય બીજું કોઈ નહીં.