ઘરડો પ્રેમ

તારી અદાઓને ક્યાં ઉંમર નડી છે, ?

મારા ઘડપણને બસ જુવાની ચડી છે,

સંજોગોએ પાડેલા છૂટા યાદ છે ને ?

સંજોગોએ જ ભેળા થવા રચી ઘડી છે,

કર્યા એકલા ભલેને કિસ્મતે ઘડપણમાં,

કદાચ એક થવા જ આ વિપત પડી છે,

ભાગી નહીં શકીએ હાથમાં હાથ લઈ,

ચાલવાની એકબીજા સાથે હામ ફળી છે,

ધોળા વાળની ચાદરની શાતા કમ નથી,

તેનાં છાંયડે ફરી મને મારી દુનિયા મળી છે,

જીવવાનાં અબળખા ભલે રહ્યા અધૂરા,

સાથે મરવાની માનતા તો જરૂર ફળી છે,

એક શોખ તો તારો પૂરો થયો 'શોખીન'

શરીર સાથે હવે લાગે છે, આત્મા ભળી છે.