લગ્ન

આજે તુલસી વિવાહ ના અવસર ઉજવાય રે,

વર કન્યા ના માતા પિતા તે કેવા હરખાય રે.....

કંકુ છાંટીને કંકોતરી લખાય રે,

વર પક્ષે આનંદે ડો લે નચાય રે,

કન્યા પક્ષે વિષ્ણુ વર ને કેવા પોખાય રે,

વર વિષ્ણુ ની માતા કેવી હરખાઈ જાય રે,

કન્યા તુલસી બહેન ના મામા માયરે લાવતા રે,

તુલસી બહેન પિયુ ને જોઈ મલકાતા રે,

કન્યા તુલસી બહેન ના મંગળફેરા ફરાય રે,

માતા પિતા કન્યા તુલસી નાં વર ને દાન કરતાં રે,

તુલસી બહેન ને કેવા આંસુડે વળાવાય રે,

ચોતરફ દુઃખ નાં આંસુ રેલાય રે, 

જાનૈયા કેવા હરખાતાં, 

તુલસી બહેન ને વિષ્ણુ ભગવાન નાં થઇ જાતા રે.....

આજે તુલસી વિવાહ ના અવસર ઉજવાય રે..