લડાઈનું પરિણામ જરા જાણો

લડાઈનું પરિણામ શું ? એ તો જરા જાણો, 

યુદ્ધ કરતા પહેલા યુદ્ધનો ભૂતકાળ તો જાણો, 

તડપે છે હજારો માનવ યુદ્ધ પછી મેદાનમાં 

લિજ્જત માણે છે ગીધડાંઓ જરા તો વિચારો,

હજારો માના દીકરાઓને કફન પણ મળતું નથી 

એ જનેતાના હૃદયમાં થતી વેદના તો જરા વિચારો, 

યુદ્ધ કરાવનાર તો આબાદ ઉગરી જાય છે 

નિર્દોષ હોમાય છે યુદ્ધની ચિતામાં એ તો જરા જાણો, 

જીત્યા પછી જે મળે એનો ગર્વ શું કરશો 

મળે છે સ્વજનોના લાશોના ઢગલા સાટે એ તો જરા વિચારો, 

શાંતિ માટે જ઼ દુનિયામાં થાય છે કામ સઘળા 

પણ યુદ્ધમાં ઝાઝી અશાંતિ મળે એ તો જરા જાણો,

લડાઈનું પરિણામ શું ? એ તો જરા જાણો 

યુદ્ધ કરતા પહેલા યુદ્ધનો ભૂતકાળ તો જાણો.