ક્યાં ગયો એ જમાનો

ક્યાં ગયો એ જમાનો ?

મજાનો હતો સુંદર ખજાનો,

રીમઝીમ વર્ષામાં ભીતર પણ ભીના થતાં,

કાગળની નાવડીમાં ખુશીથી સફર કરતા,

ક્યાં ગયો એ જમાનો મજાનો !

 અડધીમાંથી અડધી ચાનો જમાનો,

ચાની સાથે ભજીયાની પાર્ટી રખાતી,

એ જમાનો,

ક્યાં ગયો એ જમાનો ?

બગડેલા વસ્ત્રો સાથે સાફ દિલનો જમાનો,

ટેન્શનને ચિંતા વગરનો જમાનો,

ક્યાં ગયો એ જમાનો ?

વિશાળ ખુલ્લા હૃદયનો જમાનો,

એ નિખાલસ અને સાલસ સ્વભાવનો જમાનો,

ક્યાં ગયો એ જમાનો ?