કવિતા

શબ્દોનો શણગાર છે,

ને લાગણીનો ચિતાર છે,

મારી આ કવિતા,

શબ્દો મારા,

પણ કદાચ અહેસાસ તમારો છે,

મારી આ કવિતા

ધારું તો લખી નાખું,

હું મારી આત્મકથા,

છે તો મારી જ આ કવિતા,

પણ તું વગર હું શક્ય નથી ને,

એનો જાહેરમાં પ્રચાર નથી,

મારી આ કવિતા.

આમ જુઓ તો જુઠ કે ભ્રમણા છે,

મારી આ કવિતા,

ને એટલે જ જેને માટે લખું છું,

એ વાંચતા પણ નથી,

મારી આ કવિતા.

વાંક નથી એમનો,

હશે કદાચ નીરસ કે છે અર્થહીન,

<

Advertisement

p>મારી આ કવિતા

એટલે ઘણીવાર,

વાંચ્યા વગર જ ભૂંસાઈ જાય છે,

મારી આ કવિતા.

ન પુરી થઈ શકેલી ઇચ્છાઓનો,

આકાર હોઈ શકે,

મારી આ કવિતા,

અથવા અનુભવોનો,

આધાર હોઈ શકે,

મારી આ કવિતા.

પાણી ભરેલું એક પાત્ર કે અરીસો છે,

મારી આ કવિતા,

વાંચનારને પોતાનું જ પ્રતિબિંબ દેખાય જેમાં,

એ છે મારી આ કવિતા,

બધું જ જોઈ શકશો 'નિપુર્ણ'

તમારા જ વિશે તો છે મારી આ કવિતા,

બસ એક શંકાનો પથ્થર,

ને વિખાય જાય, એ છે મારી આ કવિતા.