કવિતા તારી લખવી છે મારે

કવિતા તારી લખવી છે મારે,

તારું સુંદર મુખ તું મલકાવી દે. 

શબ્દોની ભાષા સમજવી છે મારે,

તું પાંપણો પલકાવી સમજાવી દે. 

કવિતાના શબ્દો શોધવા છે મારે,

તારા કોમળ અધરોથી સરકાવી દે. 

કલમમાં શાહી ભરવી છે મારે,

તારા કાજળની શાહી બનાવી દે. 

કવિતામાં પ્રેમ વર્ણવો છે મારે,

તારી હથેળીમાં મને કોતરવા દે. 

કવિતા તારી લખીને ગાવી છે મારે,

તારી આંગળીને કલમ બનાવવા દે. 

કવિતાનું સ્વરાંકન કરવું છે મારે, 

તારા પ્રેમની સરગમથી સજાવવા દે. 

 

વિશ્ચ કવિતા દિવસ આજે છે "મુરલી"

તારા પ્રેમની સરિતામાં મને વહેવા દે.