કુદરતની કારીગરી

નયનરમ્ય, મનમોહક, અનન્ય છે કુદરતની કારીગરી !

હું જોઈ તેની કારીગરી, એના પર જાઉં વારી વારી.

ધરતીના મુખ પર, પહાડ રૂપી રચ્યું કાળું તિલ,

જોઈ એનું અદભુત રૂપ ડોલે માનવીનું દિલ !

વાદળ સાથે વાત કરતા ઉચા ઉચા વૃક્ષો, સુંદર ફળ ફૂલ આપે,

આ એક બીજના એક હજાર ગણા બીજ આ ધરતી આપે.

ખળ ખળ વહેતા ઝરણા જોને કેવા મનમોહક લાગે,

જોઈ એને વહેતા, જીવન પ્રત્યે નવો ઉત્સાહ જાગે.

અલ્લડ યુવતી જેવી સરિતા જોને સાગરને મળવા કેવી અધીર છે !

સાગર પણ જોને પ્રૌઢ આદમી જેવો કેવો ધિર ગંભીર છે !

બાગે મહેકતા ફૂલોની સુગંધ ઘેર ઘેર વહેંચે હવા જોને ટપાલી બની !

આ ગુલાબ કેવું મંદ મંદ હસે કોઈ યૌવનાના ગાલની લાલી બની !

હું પણ પાગલ બની કુદરતના અનન્ય રૂપને અલ્ફાઝમા રૂપાંતરિત કરવા !

જોને આ ખીલતું ફૂલ હસી રહ્યું છે મને પ્રેરિત કરવા.