ક્ષણ બાકી રહે

ઢોળાતી ચાંદનીમાં પ્રિયા સાથે ક્ષણ બાકી રહે ?

મિલનની રાત આવે ત્યારે ક્ષણ બાકી રહે ?

મઘમઘ થતાં ફૂલોથી ભરેલાં બગીચાઓમાં,

ફૂલોને ચૂંટવાની વાત આવે ત્યારે ક્ષણ બાકી રહે ?

આંબલીએ ઊગેલા મંજરીમાં સંભળાય ટહુકા કોયલનાં,

વારેવારે વાગોળવાની વાત આવે ત્યારે ક્ષણ બાકી રહે ?

મનનાં ગગનમાં, વિચારોનાં વૃંદાવનમાં,

શબ્દોને મૂકવાની વાત આવે ત્યારે ક્ષણ બાકી રહે ?

જિંદગીના સફરમાં, સુખદુઃખનાં સંગાથમાં,

સુખોને વહેંચવાની વાત આવે ત્યારે ક્ષણ બાકી રહે ?

પળે પળે જીવાતી આ જિંદગીની મંઝિલમાં,

અંતિમ પડવાની વાત આવે ત્યારે ક્ષણ બાકી રહે ?

"સખી" સહિયારો સાથે હરતાં ને ફરતાં, મસ્તી કરતાં,

જુદા પડવાની વાત આવે ત્યારે ક્ષણ બાકી રહે ?