કોપ કુદરતનો

આવશે કોણ આ કોપમાંથી ઉગારવા,

કુદરતી કોપથી કોણ આવશે ઉગારવા.

ખુલ્લંખુલ્લા થાય સંસ્કારોનું પતન,

માણસાઈ ભુલાઈને થયું છે પતન.

અનાજ, દવાઓ નકલી વેચાય છે,

આ માનવી રૂપિયા ભૂખ્યો થયો છે. 

સત્ય ગયું પાતાળે અસત્યનો ઉત્પાત છે,

દેવો મંદિરમાં બંધ દાનવો કરે ઉત્પાત છે.

કોઈ પણ ક્ષેત્રમાં શુદ્ધિ રાખી ક્યાં છે ?

મારો, લૂંટો, દાનવોની અહીં એ વાત છે.

ભારતીય સંસ્કૃતિ પર મોટો આઘાત છે,

અરેરે ભાવના હવે તો હદ થઈ ગઈ છે.

કાળાધોળા જોઈને કોપ કુદરતનો થયો,

માણસાઈ ભુલાઈને કોપ કુદરતનો થયો.