કોણ હશે
કોણ હશે
અંધારી રાતે સપનાં સજાવતું એ કોણ હશે ? બંધ આંખે ચહેરા રચાવતું એ કોણ હશે ?
રંગો ભરી જીવન રંગનાર એ કોણ હશે ?
સમય સાથે મને દોડાવનાર એ કોણ હશે ?
બાળપણમાં ભોળપણ પીરસનાર કોણ હશે ?
યુવાનીમાં જોમ ભરી થનગનતું કરનાર કોણ હશે ?
ઉંમર સાથે મને સમજદાર કરનાર કોણ હશે ?
શ્રદ્ધા ને વિશ્વાસના શ્વાસ ભરનારા કોણ હશે ?
આ મનગમતી દુનિયા ને રચનાર કોણ હશે ?
સૂરજની ગરમી ને ચંદાની શીતળતા પીનાર કોણ હશે ?
ટમટમતા તારલામાં દિવેલ પૂરનાર કોણ હશે ?
રંગ નીતનવા ફૂલડે ફૂલડે ખિલવનાર કોણ હશે ?
ખાટા મીઠા રસ ભરી ફળ ને બનાવનાર કોણ હશે ?
રંગો મેઘધનુષી વાદળે રચનાર કોણ હશે ?
વરસતું વાદળ ને તડકાનો તાપ સહેનાર કોણ હશે ?
ઠંડી હવાના પવનો ને લૂ ઝરતા કરનાર કોણ હશે ?
પંખીની પાંખે ને ભમરાની આંખે આકાશે વિહરનાર કોણ હશે ?
વિશાળ દરિયો ને ઊંચા પહાડો બાંધનાર કોણ હશે ?
સ્નેહ ને વ્હાલના સંબંધો સર્જનાર કોણ હશે ?
હૈયે હેત ને મગજે બુદ્ધિ આપનાર કોણ હશે ?
નદીઓમાં જળ ને વૃક્ષમાં પર્ણ લગાવનાર કોણ હશે ?
દરેક જીવમાં વિવિધતા ભરનાર એ કોણ હશે ?
પૃથ્વીનો આ સર્જનહાર કોણ હશે ?
બ્રહ્માંડમાં ભ્રમણ કરનાર કોણ હશે ?
કોણ હશે ?