કોને ખબર ?

શું ઈચ્છયું હતું અને શું થઈ ગયું કોને ખબર ? 

માનવતાના દિવા ક્યાં મૂકાયાં કોને ખબર ? 

સંસારનાં ચક્રમાં ચોફેર ભીંસાતાં આ માનવીઓ, 

દુઃખનાં દિલાસા ક્યાં મૂકાયાં કોને ખબર ? 

ભીતરમાં સળગતાં અંગારાનો અગ્નિ પ્રગટ્યો, 

બળતી જ્યોતનાં પલીતા કોનાથી મૂકાયાં કોને ખબર ? 

ઈશ્વરને પણ આક્રોશ કરીને દિલની વાત કહેવી છે, 

વાતોનાં વહેણમાં કિનારા ક્યાં મૂકાયાં કોને ખબર ? 

માઝમરાતે અનંત આકાશમાં તારલાઓની મહેફિલમાં, 

આભાસી અજવાળાનાં પડછાયા ક્યાં મૂકાયાં કોને ખબર ? 

"સખી" સૂરજની રોશનીનાં જીવન સાથેનાં શણગારમાં, 

આત્માનાં ઉજાસનાં કિરણો ક્યાં મૂકાયાં કોને ખબર ?