કંઈક કરવું છે

ચોરવું જ છે તો ચોરી લઈએ કોઈનું દુઃખ ને દર્દ,

સાચવવું જ છે તો સાચવી લઈએ કોઈની મીઠી યાદ.

મૂકવું જ હોય બધું બાજુ પર તો મૂકી દઈએ અહમનો ભાર,

ત્યજવું જ હોય તો ત્યજી દઈએ નફરતની આગ.

શીખવું જ હોય કાંઈ જીવનમાં તો શીખી લઈએ જીવન જીવવાની કળા,

પામવું જ હોય તો પામી લઈએ કોઈ સાચા માણસનો સાથ.

મળી નામળે કાંઈ જીવનમાં છતાં માની લઈએ પ્રભુનો એક ધન્યવાદ,

આપ્યું એને જે આપણને, એ પામવા કેટલાય કરે છે રોજ આશ.