રૂડી રાખડી

શ્રાવણ આવે ને તહેવારોની શરૂઆત હોય,

 એમાંય મને હંમેશા ‘રક્ષાબંધન’ની જ વાટ હોય,

 ભાઈને રાખડી બાંધવી એ જ હરખની વાત હોય,

 સમયાંતરે મોટાં થ્યાં છતાં પ્રેમ અપરંપાર હોય,

 ભાઈને રાખડી બાંધનાર બેનની જ આશા હોય,

 બહેન પરદેશી હોય તો ટપાલની જ રાહ હોય,

કાગળ સાથે મળેલી રાખડીમાં હૈયાવરાળ હોય,

ભાઈ બોલે નહિ પણ એકાંતમાં આંખડી ભીની જ હોય,

પોતાનાં હાથે રાખડી ન બાંધ્યાનો ઘણો વસવસો હોય,

એમાં આજનાં જમાનામાં વિડિઓ કૉલથી થોડો સંતોષ હોય,

આજીવન આ પ્રેમને અકબંધ રાખવાની જ વાત હોય,

ભાઈ-બહેનનો નિઃસ્વાર્થ અને પ્રેમાળ આ સંબંધ હોય.