વિદાયની વેળા

વિદાયની વેળા હરહંમેશ વસમી લાગે; એ ફરી અનુભવ્યું,

 સમય ક્યાં પસાર થયો એ જ વિચારે મન ભમતું ગયું,

આજે અમારા ઘરનું આંગણું ફરી સૂનું થઈ ગયું,

 મેલબર્નના ઍરપોર્ટથી ઘર સુધી આવવું અઘરું થઈ ગયું,

 ચહલ-પહલથી ભરેલું ઘર આજે અતિશય શાંત થઈ ગયું,

 ખૂબ આનંદ-ઉત્સાહથી સાથે વિતાવેલ સમય સાંભર્યો,

 હૃદયના ઊંડાણમાં ભરાયેલ લાગણી કેમની સંકોરવી ! કેટ-કેટલું છૂપાવ્યું,

પાંપણમાં ઉભરાયેલું આંસુ સરકી જ પડ્યું.