ખુશીઓ ભરી દિવાળી

આવી દુનિયામાં સૌની પ્યારી દિવાળી, 

લાવી દીપકનો અનેરો ઉજાસ દિવાળી !

ધનતેરસે થાય લક્ષ્મી ને કુબેરનું પૂજન,

લક્ષ્મીજીની કૃપા વરસાવે સૌ પર દિવાળી !

દિવાળીએ રામજીની પૂજા થાય ઘરઘરમાં,

મર્યાદાપુરુષોત્તમ બનાવે સૌ નરને દિવાળી !

કાળી ચૌદશે બને ઘરેઘરમાં કાળીમાઁના નૈવેદ્ય,

કાળીમાઁના આશીર્વાદ આપે સૌને દિવાળી !

નવાં વર્ષે પરિવારનાં સભ્યો ભેટે એકબીજાને,

દુશ્મનોને પણ મિત્ર બનાવી દે આ દિવાળી !

ભાઈ બીજે જમે ભાઈ લાડકી બહેનની ઘરે,

ભાઈ બહેનમાં પ્રેમમાં વધારો કરે દિવાળી !

એક પછી એક દિવસ લાવે પ્રેમની રંગત,

દુનિયા માટે છે ખુશીઓ ભરી આ દિવાળી !