વિતી જશે આ સમય ને આ કાળ
વિતી જશે આ સમય ને આ કાળ
1 min
179
સરી જશે, આ સમય, બની રેત,
ભલે કઠિન હોય, આ સમયની ઘાત,
પણ વિતી જશે આ સમય ને આ કાળ !
ઊગશે ફરી, અરુણું પ્રભાત,
પસાર ભલે ના થાય, આ દિન રાત,
પણ વિતી જશે આ સમય ને આ કાળ !
ગૂંજશે ફરી શંખનો નાદ,
ભલે છે આજે યોગેશ્વરનો પ્રમાદ,
પણ વિતી જશે આ સમય ને આ કાળ !
ધબકશે ફરી, જનજીવન આમ,
ભલે સૂની છે શેરી ને સૂનાં છે ગામ,
પણ વિતી જશે આ સમય ને આ કાળ !
જિંદગી હસશે ને રમશે સાથે,
ભલે, મોતનો આજે, ક્રુર ડોળો છે માથે,
પણ વિતી જશે આ સમય ને આ કાળ !
'ચાહત'થી સૌ રહેશે, ભૂલી કોરોના કાળ,
ભલે, આજે છે બધે, ભય વિકરાળ !
પણ વિતી જશે આ સમય ને આ કાળ !