ખરેલી વસંત
ખરેલી વસંત
ખાલી હૃદયમાં પણ યાદો તારી ભરી હતી,
તમે ગયાં તો જાણે આ જિંદગી ઠરી હતી,
તે કહેતાં તો કહી દીધું ભૂલી જજે તું મને,
હું કહું છું કે તે ખૂબ ગંભીર ભૂલ કરી હતી,
લાગણી, પ્રેમ કે ગુસ્સો એ જે હતું તે ખરું,
તારાં વર્તનમાં ના કદીય નરમાશ જરી હતી,
સહેવાય નહીં, ને કશું કોઈને કહેવાય નહીં,
એવી રીતે એ લીલીછમ્મ વસંત ખરી હતી,
રાખી દીધું છે એ દુઃખ મેં હૈયામાં સંતાડીને,
પાણી હતું છતાં નાવ અમારી ના તરી હતી,
ચોમાસાની રાહ જોઉં આંસુથી ભીંજાઈને,
એથી જ હવે ભીંજાવાની ઈચ્છા મરી હતી!