ખોવાઈ છે ક્યાંક માણસાઈ
ખોવાઈ છે ક્યાંક માણસાઈ
જુઓ આજ દરેક વસ્તુની ઠગાઈ
માણસની માણસ સાથે છે અવિરત લડાઈ,
માનવતા છડે ચોક છે લુંટાઈ !
ખોવાઈ છે ક્યાંક માણસાઈ !
ભૂલ્યાં સૌ આજ પીડ પરાઈ
કરતાં રહ્યાં બસ બધાંની બુરાઈ,
ભરીને ખિસ્સાં ભૂલી છે ખુદાઈ !
ખોવાઈ છે ક્યાંક માણસાઈ !
બહેરાં કાને મદદની ચીસો સંભળાઈ
અવગણીને કરી બસ પોતાની ભલાઈ,
માનવ મનની કેવી છે નાગાઈ
ખોવાઈ છે ક્યાંક માણસાઈ !
સોનાનાં ભાવે મળતી દવાઈ
જિંદગી કરતા મોત છે સવાઈ
અંતિમ સંસ્કાર માટે કરો દુહાઈ !
ખોવાઈ છે ક્યાંક માણસાઈ !
હિંદુ હોય કે સીખ ઈસાઈ
રોગની ના કોઈ જાત કે સગાઈ
સંક્રમણમાં કેવી જુદાઈ !
ખોવાઈ છે ક્યાંક માણસાઈ !
નફરત ને ઈર્ષાની જૂઓ ઊંચાઈ
નથી પડી કોઈને 'ચાહત'ની પોતાની કે પરાઈ
આ તે કેવી માણસની અદેખાઈ !
ખોવાઈ છે ક્યાંક માણસાઈ !