ખાલીપો

ખાલીપો આજ દિલ મહીં વરસી ગયો,

હૂંફાળો સ્પર્શ ચેપી રણમાં વિખેરાઈ ગયો !

  

લાગે છે જીવન અમસ્તું જ થંંભી ગયુું,

દુકાને ઊભેલા એ સ્ટેચ્યુમાં ફેરવાઈ ગયું !

ખૂલતાં જ હોઠો શબ્દો અચાનક અદ્રશ્ય થયા, 

તડકે પેલા ઝાંકળબિંદુ બની ઊડી ગયાં !

સંબંધો માત્ર વિડીયો કોલીંંગ બન્યા,

ચ્હાની ચૂસ્કીમાં એના બે ઘૂંટ પીવાઈ ગયા !

 

અંતરનાં ભાવો ખૂશામતિયા મ્હોરે છૂપાઈ ગયા,

સર્વરના અભાવમાં સાચે જ ડિસકનેક્ટ થઈ ગયા !

ખાલીપો આજ દિલમહીં વરસી ગયો,

હૂંંફાળો સ્પર્શ ચેપી રણમાં વિખેરાઈ ગયો !