કેવું અલૌકિક છે એનું સર્જન !

પ્રકૃતિના પ્રણેતાને કરું હું લાખ લાખ વંદન,

કેવું સુંદર અને કેવું અલૌકિક છે એનું સર્જન !

કેવું અદભુત, મનમોહક છે ભમરાનું ગુંજન !

જ્યાં જુવો ત્યાં થાય ખૂબસૂરતીનાં દર્શના !

કેવું સુંદર અને મનમોહક છે એનું સંગઠન !

લાગે જાણે ધરા પર થયું જન્નતનું આગમન !

જોને વેલડી કેવું આપે છે વૃક્ષને આલિંગન !

લાગે જાણે કોઈ બાળકનું માતાને ચુંબન !

કેવું અલૌકિક ,મનમોહક છે એનું સર્જન !

મારામાં ક્યાં છે તાકાત કરી શકું એનું વર્ણન !

ફૂલ ફૂલ પર ખુશ થઈ આ ભ્રમર કરે ગુંજન,

પંખીઓના મીઠા સુર ગુંજે જાણે વન વન !