કાયાકલ્પ
કાયાકલ્પ
અરે અરે આ શું થયું કેવી રીતે થયું ?
મારા વ્હાલા પપીનું રૂપાંતર કેમ થયું ?
હા રે યાદ આવ્યું આજ પ્રયોગશાળામાં
મૂક્યું હતું એક પ્રવાહી જે કરે કાયાકલ્પ !
જરૂર મારા કાળા બુલબુલે ચાટ્યું એ !
બુલબુલનું થયું કાયાકલ્પ બની ગયું બુલડોગ !
હવે એ તો થઈ ગયો છે જબ્બર જાયન્ટડોગ
હું તો જાણે એની પાસે લાગું એક વામનજી !
હવે શું કરું કેમ કરું કેવી રીતે બદલું એનું રૂપ !
દિવસરાત ખાયા જ કરે ને ઘુરક્યા જ કરે !
રાત્રે જોઉં છું દિવસે જોઉં છું વધતો જ જાય છે !
બુલડોગ તો બની જશે બુલટાઈગર હવે તો !
ઓ પ્રભુ આપો કોઈ જાદુમંત્ર જે કરે કોઈ કામ !
સાચા દીલની સૂણી પ્રાર્થના થયો ભીનો સ્પર્શ !
અમીવર્ષા થઈ શું ઉપરથી, નારે ! આ તો બુલ !
ચાટી રહ્યો મને પ્રેમથી, એ તો હતું એક સ્વપ્ન !