કાગડીબેન
કાગડીબેન
કાગડીબેનનાં આજ તો
સાવ જુદા લાગે છે વેશ
આંખો તો લાગે છે કાળી
આંખોમાં લગાવી છે મેશ
ખભ્ભે ભરાવ્યુ છે પર્સ
મોબાઈલ લીધો છે હાથ
કોયલબેનને કાબરબેનને
લીધા છે પોતાની સંગાથ
બ્યુટીપાર્લરમાં જઈને
ફેશનેબલ કરાવ્યા છે કેશ
કાગડીબેનનાં આજ તો
સાવ જુદા લાગે છે વેશ
સૌ પંખીઓની કરે ઠેકડી
મારાથી નથી કોઈ રૂપાળી
ધીમે રહીને ચીબરી બોલી
કાગડાની જાત બધે કાળી
આ સાંભળીને કાગડીબેનનો
સાવ ઉતરી ગયો રે ફેશ
કાગડીબેનનાં આજ તો
સાવ જુદા લાગે છે વેશ