એ હાલો હાલો રમીએ

એ હાલો હાલો રમીએ હોળી હોળી 

નથી બનાવી આપણે તારા મારાની ઝઘડાની ટોળી  

 એ હાલો હાલો રમીએ હોળી હોળી,

 

હું લાવીશ પિચકારી 

તું લાવજે સુખનાં રંગ

રમશુંં આપણે હોળી 

હોય તારો મારો સંગ,

રંગશું અમે તો સૌને અને ધીમે રહીને કહીશું સોરી

એ હાલો હાલો રમીએ હોળી હોળી,

ગજવામાં ભરશું અમે

ખજૂર અને ધાણી 

સૌના પર છાંટશું અમે

અબીલ ગુલાલને પાણી,

આજ અમે સૌએ અમારી આંખો અમૃતમાં બોળી

 એ હાલો હાલો રમીએ હોળી હોળી,

કાળો ધોળો ને ગુલાબી

રંગ લાવશું અમે પાક્કો 

સૌનાં ચહેરા રંગશું અમે

તહેવાર ના જાય ફિક્કો,

હોળી એવી રમશું કે કોઈની ચામડી ના રહે ગોરી

એ હાલો હાલો રમીએ હોળી હોળી.