કાગડાભાઈ તો

કાગડાભાઈ તો કાળા કાળા,

કા...કા... કરતા જાય;

ખીર પૂરી ખાતા જાય,

કા...કા... કરતા જાય;

આવી ઘરના આંગણે,

એંઠવાડ સાફ કરતા જાય;

અવાજ એનો બેસૂરો ને,

સફાઈકામદાર બની હરખાય;

કાળો એનો કંઠ પણ,

શનિદેવનું વાહન કહેવાય;

કાગડા ભાઈ તો કાળા કાળા

હસતા જાય ને રમતા જાય;

રોજ સવારે નિશાળે જાય,

મધ્યાહન ભોજનનું સ્વાદિષ્ટ ખાવાને જાય;

કાગડાભાઈ તો કાળા કાળા,

કા...કા... કરતા જાય;

રમતા જાય ને ભણતા જાય,

જીવનની મોજ માણતા જાય..!