કાગડાભાઈ કહેવતમાં
કાગડાભાઈ કહેવતમાં
કાનાભાઈની દુકાનમાં તો કાગડા ઊડતાં હોય
બગલા બધેય ધોળા કાગડા બધે ય કાળા હોય,
ભગાભાઈ કુંવારા ને કાગડો દહીંથરું લઈ ગયો
કાશીમાં પણ કાગડો તો કાળો જ હોય અભાગ્યો,
કાગ ડોળે રાહ જોવી પડે એવડાં મોટા મહેમાન,
કાગનું બેસવું ને ડાળનું પડવું કેવું મોટું સન્માન,
કાગનો વાઘ કરવો એને માટે ડાબા હાથનો ખેલ,
કાગડાને હાથે કંકોતરી આવી મનમાં રાખી મેલ,
કાગા વહાલું કુંભજળ, અને સ્ત્રીને વહાલી વાત
નામ તેનો નાશ, કાગડા પામે વાસ આખી નાત,
કાગડાને શ્રાદ્ધ સોળેય દહાડા રોજ શીરોપુરી ખાય
કાગડાને મન રમત બિચારાં દેડકાનો જીવ જાય.