જુના થયા છે
જુના થયા છે
હજી ક્યાં સબંધો જુના થયાં છે
ખરી ને ચોખા, જુઓ કંકુના થયાં છે
લે, હવે સ્મરણોની પંચાયત ભરાશે
આજ યાદ કરવાના જે ગુના થયાં છે
એ વમળ સાથે વ્હાલ પણ તણાશે
બૅય કાંઠાના તાણ નદીના થયાં છે
પૂછો તો પાંપણની ફરિયાદ ગણાશે
આંખો શું કરે ? સપના દિ'ના થયાં છે
વરસી ગઇ વાદળી નેવે નીતરતી નજર
ખેર, ખરહૂડા ખંજન ! ગાલના થયાં છે
નિરખવુ પડ્યું નૅજા કરી છેક દૂર સુધી
પલકના ખૂણા સહેજ ભીના થયા છે