પ્રેમગીત
પ્રેમગીત
સુણિયો સાહેબજી ! મોરા હ્રદય ધબકાર પ્રીતનો,
સજે રે સૂર શમિયાણે ! સજે શણગાર સ્મિતનો.
સુણિયો સાહેબજી ! ખોરડું લાગે કાં ખાલી ખાલી,
હવે પડઘે પડે રે મુને ! ભેળો ભણકાર ભીંતનો.
સુણિયો સાહેબજી ! નિંદરિયા નાવે થોરી થોરી,
મુને વળગ્યો જો રે,જાણે વળગાડ વિજોગનો,
સુણિયો સહેબજી ! દિવડે ઊભી શગ કોરી કોરી,
ઘડી ઘડી સાંભરિયો રે, મૂઓ મલકાટ મિતનો.
સુણિયો સહેબજી ! દલડુ ખીંચે મન જોરી જોરી,
સુણી સુણી સાદ રે લાગે , મુને ઝણકાર સંગીતનો.
સુણિયો સાહેલીજી ! મન બાવરું કે'તુ બોલી બોલી,
મમ હ્રદય કરે એકરાર રે ,સુણે તવ રવકાર પ્રીતનો.