જિંદગી

દર્શાવવા લાગણી પડતી ઓછી જિંદગી,

સંભારવા સ્નેહને પડતી ઓછી જિંદગી,

ઘસવું પડે એને પ્રયત્નથી દિન - રાત,

મજકાવવા ભાગ્યને પડતી ઓછી જિંદગી,

લઈ સંકલ્પની દીવાસળી હર દિન તો,

સળગાવવા ક્રોધને પડતી ઓછી જિંદગી,

ન હોય સાચુ છતાં વળગી રહે મન,

સ્વીકારવા સત્યને પડતી ઓછી જિંદગી,

ભરપૂર ભેદથી ભરી રમત આ જિંદગી,

અજમાવવા દાવને પડતી ઓછી જિંદગી,

કરતો ઝંખના આંબવા આકાશ માનવ,

ફેલાવવા પંખને પડતી ઓછી જિંદગી,

વધતો સતત એ જ્યાં સુધી ચાલે શ્વાસ,

દફનાવવા મોહને પડતી ઓછી જિંદગી.