જિંદગી ને એક સવાલ.
જિંદગી ને એક સવાલ.
મારી જિંદગીને પૂછ્યું,
હું તને કેમ ઓળખું?
ઘડી ઘડી તું રંગ બદલે
વારંવાર તારા ઢંગ બદલે
હું તને કેમ ઓળખું ?
મને તારી ચિંતા છે પણ
તને મારી કઈ પડી નથી
સામાન સો વરસનો ભેગુ કરું છું
પણ ક્યાં જાણું છું તું ક્યારે દગો દઈશ !
સારા લોકો સાથે ખરાબ
અને ખરાબ લોકો સાથે સારું
આ તારું અજીબ વર્તન મને નથી સમજાતું
આમ કહેવાય સાપ સીડીનો ખેલ જિંદગી
પણ ક્યાં છે તારી સીડી ?
પોતાના પોતાના કરીને બધું જ સમર્પણ કરીયે
પણ એજ મધ દરિયે ડુબાડે
જિંદગી આ તારો કેવો ન્યાય ?
અમૃતના નામે તું જહેર પીવરાવે
ખોટી ખોટી ઠગારી આશાનીવડે
દરેક કઈ તારું વિષ પચાવી શકે ?
તું મળે એક વાર,
શાને એટલી પરેશાન કરે ?
મળી છે તો મોજ કરવા દેને !
કોયડાઓનો ગજ શાને ખડકે ?