જિંદગી એક સફર

કોઈ પોતાનું રૂઠ્યું તો કોઈ અંગત છૂટ્યું,

જિંદગીના રંગમંચ પર ના જાણે કોણ કોણ તૂટ્યું,

હું બેઠો જ છુ ને ચિંતા ના કર આમ તો સૌ કોઈ બોલ્યું,

જરૂરિયાત પૂરી થતા જ સૌ કોઈએ મોઢું ફેરવી આંગણું છોડ્યું,

આપી દિલાસો દિલને દિવસભર ખુબ સમજાવ્યું,

તોપણ ખોટી આશ રાખી એતો જીવનભર તૂટ્યું,

પોતાના પારકા થયા ને પારકા થયા પોતાના,

જિંદગીની આ રમતમાંથી કોણ કોણ છૂટ્યું,

સાથે આવવાનું કહી સૌ કોઈ સ્મશાને છૂટ્યું,

ઊભો થઈ જોયું બધે તો હર કોઈ પાછું રૂઠ્યું,