જીવી તો જો

રોજ રોજ ડરે છે શાને ?

એક વાર નિર્ભય બની તો જો..!

રોજ રોજ મરે છે શાને.?

એક વાર જિંદગી જીવી તો જો..!

પારકા ભરોસે જીવે છે શાને ?

તારી જાત પર ભરોસો કરી તો જો..!

કરવાને કંઈક ખાસ, પાછો પડે છે શાને.?

હિંમત રાખીને આગળ વધી તો જો..!

તૂટી ફૂટી જિંદગીની ચિંતા કરે છે શાને ?

એકવાર પરિશ્રમની શરૂઆત કરી તો જો. !

 માત્ર વિચારો કરીને, પડી રહે છે શાને ?

વિચારોને આગ લગાવી ને દોડી તો જો..!

આમ, રોજ રોજ મરે છે શાને ?

મૃત્યુ પણ મૂંઝાય, એવી જિંદગી જીવી તો જો..!