ઝરુખે સિંદૂરી

ચેતના આવી ખટખટાવે રે બારણાં ઝરુખે

હેતે વધાવી એને લો રે ઓવારણાં ઝરુખે,

સવાર -બપોર- સાંજ સજી રોજ ઝરુખે 

કંકુ પગલાં પાડે સિંદૂરી સવાર ઝરૂખે !

ગઝલ બેઠી રિસાઈ શબ્દો સંતાઈ ઝરુખે

માળામાં સૂતો ટહુકો નાની પલગી ઝરૂખે

રિસાયેલ કિરણો બપોરે વરસાદ ઝરૂખે !

પડછાયાથી ડરે આયનો હસ્તો ઝરૂખે

સંવાદી નૈનોમાં પલળ્યા ખ્વાબ ઝરૂખે

ઉગમણી કોરે પહોં ફાટી અજવાસ ઝરૂખે

સાંજ વળગી સૂર્ય બૂડે રાત પલળે ઝરુખે

ઝૂકી ડાળીએ ગઝલ મ્હેંકી નમણી ઝરૂખે !