જે પ્રીતડી થઈ તે

જે પ્રીતડી થઈ તે કો’દી નહીં જ તૂટે, કોઈ ઉપાય તૂટે !

છો શ્વાસ કો’દી ખૂટે, આ પ્રીત ના જ તૂટે, કોઈ ઉપાય તૂટે !

સ્થાપ્યાં તમોને દિલમાં, ભાળ્યાં અખિલ જગતમાં,

સંબંધ કેમ છૂટે, કોઈ ઉપાય છૂટે ! ...જે પ્રીતડી.

ગંગા પ્રસન્ન વહેતી, સુખ-શાંતિ દિવ્ય દેતી,

તેવી સુધા તમારી, ઉરથી નહીં જ ખૂટે ! ...જે પ્રીતડી.

કો વિશ્વના વિષયનો, કે માનવી-પ્રણયનો,

અંકુર નહીં જ ફૂટે, કોઈ ઉપાય ફૂટે ! ...જે પ્રીતડી.

બનતાં પ્રસન્ન પ્રેમે, આશિષ દો તમે યે,

ના સાથ કો દી છૂટે, કોઈ ઉપાય છૂટે ! ...જે પ્રીતડી.

‘પાગલ’ થયો તમારો, લીધો છે રાહ ન્યારો,

તે રાહ ના જ છૂટે, કોઈ ઉપાય છૂટે ! ... જે પ્રીતડી.

-ડૂબેલ અમે તો સાગરમાં, ડૂબે માખી જ્યમ ગાગરમાં,

કર ફેલાવી બલ ના જ ધરે, આ જગને તો તો કોણ તરે ?... તું કૃપા તણી.

શ્રી યોગેશ્વરજી