જૂગજૂની ટેવ

ઉછળકૂદ કરવાની આ સાગરની જૂગ જૂની ટેવ,

કિનારે છે નમવાની આ સાગરની જૂગ જૂની ટેવ.

ભર્યો છે એ ક્ષારસિંધુ તોય શીદને એ ગર્વ કરતો ?

હંમેશાં ગરજવાની આ સાગરની જૂગ જૂની ટેવ.

આવે ભરતીને ઓટ વારેવારે સુખદુઃખ સમાં જે,

થાકી ફીણ ધરવાની આ સાગરની જૂગ જૂની ટેવ.

સમાવે સરિતાને કેટકેટલી તોય ના એ છલકાતો,

નદીનીર સમાવવાની આ સાગરની જૂગ જૂની ટેવ.

સૂર્યાસ્તે કેવો લાગે રખેને એ હોય સૂર ડૂબાડતો !

વાદળને જળ દેવાની આ સાગરની જૂગ જૂની ટેવ.