જાપ નો જાદુ

StoryMirror

52 Weeks Writing Challenge – Edition 7

Submission of Gujarati Poem – Poem No. 43

November 2, 2024

 

જાપ નો જાદુ 

 

 

ભગવાનના જાપ નો, સહુની જિંદગીમાં અલૌકિક આધાર છે

ભગવાનના નામ છે પારસમણિ જેવા, લાવે જાદુઈ ફેરફાર છે

 

સ્નાન કરતા કરતા જ્યાં સ્મરે છે, ભગવાન નામ ને

ત્યારે સ્નાન માં જાણે, ગંગા સ્નાન થાય સાકાર છે

 

રસોઈ બનાવતા સમયે જો, લેવાતું રહે ભગવાનનું નામ

ભોજન માં પ્રવેશે ભગવાન, થાય પ્ર

Advertisement

સાદીનો સાક્ષાત્કાર છે

 

કામ કરતા સમય જ્યારે, હોય અંદરથી ભગવાનનો ભાવ

કામ જ જાણે પુજા નો, બની રહે સરળ દ્વાર છે

 

જે ઘર માં સર્વે ભજતા હોય, હરી ના ભજન ભાવ થી

એ અનોખો ઘર માં, મંદિરનો અનુભવાય અનોખો ચિતાર છે

 

જે સંઘ પગે ચાલતા ચાલતા, ગજવતો રહે ભગવાનનું નામ

થાક લાગે નહીં પગપાળાનો, એ યાત્રા બની રહે સદાબહાર છે

 

 

ભરત ડી ઠક્કર, ‘સૌરભ’

ગાંધીધામ – કચ્છ