લાઈબ્રેરી
પ્રોફાઈલ
જાણી હું શકું
જાણી હું શકું
1 min
13.8K
મારા દિલમાં જો ના ઉતરી હું શકું,
તો જગતમાં કંઈ ના પામી હું શકું,
પાનખરને જાણી જાઉં જો કદી,
તો જ આ જીવનને જાણી હું શકું,
પ્રેમ મારી ભીતરે જો હોય બહું,
તો અહમ દિલમાંથી કાઢી હું શકું,
રામ જેવું દિલ જો મારું હોય તો,
બોર ખાટાં જગનાં ચાખી હું શકું,
યોગ્ય મારી હોય જો ઈચ્છા બધી,
શાંતિ દિલમાં તોજ રાખી હું શકું,
લાગણી તો છે ઘણી 'ધબકાર' માં,
તો જ સૌને દિલથી ચાહી હું શકું.
