જાજમ ફૂલોની

ઘરમાં જ મધુવન બની જાજમ ફૂલોની,

છે પ્રીતમ વાસ્તે બિછાવી જાજમ ફૂલોની !

ખીલેલા મનનાં ભવ્ય ફૂલો પાથરી દીધા,

જાતને કરી નાખી છે અમે જાજમ ફૂલોની !

ઉંમરની પાનખરે ખીલી વૈભવી વસંત,

ખંજનમાંથી ખરતી રહી જાજમ ફૂલોની !

થંભી છે હવામાં એક નદી નેહના નીરની,

ખુશ્બૂનું ઘોડાપુર બની છે જાજમ ફૂલોની !

તમારી ચાહતના બગીચામાં ખીલી ગઈ છે,

કળીઓ મારા દિલની થઈ જાજમ ફૂલોની !

છલકાઈ છે "પરમ" ઊર્મિઓ ઉરની આજે,

ને પથરાઈ "પાગલ" બની જાજમ ફૂલોની !