ઈશ્વર
ઈશ્વર
નવે ગ્રહો એકજ ધરીમાં ફરતા,
ન પડે ધીમા, ન ગતિભાન ભૂલતા,
રહી છેટા સૂર્યથી, સદાય એને અનુસરતા,
ઈશ્વર, તારી આ લીલા અવર્ણનીય છે,
કૈલાસની પર્વતની ઊંચાઈ ને સમુંદરની ગહેરાઈ,
વચ્ચે અદ્ભુત બહુરત્ના વસુંધરા સર્જાઈ,
લખ ચોર્યાશી જીવ ગયા જ્યાં સમાઈ,
ઈશ્વર, તારી આ સર્જનકળા અવર્ણનીય છે,
શું કરું હું વંદના, ને કરું કોને હું નમન ?
સર્જન, જીવનની સફર અને વિસર્જન,
ન કોઈ ચૂક કે સર્વ જીવોને લાગે કર્મોનું બંધન,
ઈશ્વર, તારી આ રચના અવર્ણનીય છે,
ને સ્વર્ગની તો વળી કલ્પના જ નિરાળી,
બ્રહ્માંડમાં સતત પડઘાતો ઓમનો ધ્વનિ,
સૌ જીવોને સદા ઝંખના તુજ શરણની,
ઈશ્વર, તારા આ મોક્ષની કામના અવર્ણનીય છે,
સપ્તરંગ સમાયા શ્વેત રંગમાં એ નવું કૌતુક છે,
ઈશ્વર, તારું સર્જેલું દરેક સર્જન અવર્ણનીય છે.