હું સજ્જ છું
હું સજ્જ છું
અજાણ્યો હતો તુંં અને મુંઝાય હું, કબૂલ છે,
આવ્યો અચાનક તુંં ને ઊંઘતો ઝડપાયો હું કબૂલ છે.
વિકરાળ તારા પંજા પ્રસરાવ્યાં તે માણસ જાત પર,
ન ડૉક્ટર, વૈજ્ઞાનિક કે સામાન્ય માણસ સમજ્યા તને,
ક્યાંથી આવ્યો તુંં અને ક્યાં જાય ? સૌ અવાચક
ખરો પાખંડી, ન ઝાલ્યો ઝલાય કે ન પકડાય
અવળચંડો તુંં કેવો ? પળપળ બદલે રૂપ,
કેમે કરીને ના આવે પકડમાં કેવો તે તું ભૂપ ?
નાંખી લગામ મેં, તોખાર ને વશમાં કર્યા વિકરાળ,
તું ના ફસાયો મારી ચાલમાં, બોલ કેવી નાખું જાળ ?
બહુ મોટી કિંમત ચૂકવી મેં, ભાઈ ભાંડુ ખોઈને
પણ હવે અસ્ત્ર, શસ્ત્રથી તૈયાર હું સજ્જ થઈને.
થયા અમે સૌ એક આ માનવસૃષ્ટિને રક્ષવા,
કે હવે તને ભોગ કોઈનો ના દઈએ ભક્ષવા.
આ લડાઈ લગભગ હું હારી ગયો 'તો કબૂલ છે,
તોયે રાખમાંથી થયો ઊભો, બોલ તને કબૂલ છે ?
આવ તું આવ, હવે હું સજ્જ છું.