ઈમારત
ઈમારત
હતી સાવ ગામને છેડે એક સરકારી નિશાળની જર્જરીત થઈ ચૂકેલી ઈમારત,
હતો એક યુગ એ નિશાળનો પણ આવતા અભ્યાસ કરવા નાના-મોટા ભૂલકાઓ ત્યારે,
હતી નવીનકોર નિશાળની એ ઈમારત ત્યારે, આજુબાજુનાં ગામોમાં એક જ તો સરકારી નિશાળ હતી ત્યારે,
હતી મૂકી પ્રથમ ઈંટ ગામના જ એક શિક્ષકે, ઉંમગ ઉલ્લાસ સાથે શરુ કર્યુ હતું ચણતર ત્યારે,
હતાં ભણતા સરકારી નિશાળમાં શાનથી સૌ, શિક્ષકો પણ હતાં જ્ઞાન સંસ્કારથી ભરપૂર ત્યારે,
હતી ના કોઈ લાલસા શિક્ષકોને ધનની, રહેતો એક જ લક્ષ્યાંક વિદ્યાર્થીના અભ્યાસ સિંચનનો ત્યારે,
થઈ ચૂકી છે જાણે સાવ નકામી એ સરકારી નિશાળની ઈમારત, જ્યાં અનેક વિરલાઓએ ઘૂંટયો હશે ભણતરનો પ્રથમ કક્કો ત્યારે,
હતી નહી એ કંઈ ઈંટો સિંમેન્ટના ચણતરની ઈમારત, એતો હતી અનેક વિદ્યાર્થીનાં ઘડતરની સાક્ષી સરકારી નિશાળની ઈમારત,
હશે જાણે રડતી આજે સરકારી નિશાળની એ દીવાલો જાણે, સુમસામ પડ્યું છે આજે આખું પટાંગણ ત્યારે.