હવે તો હરિ આવો ને...

ફૂલી ફાટી મહેક વસંતની 

કદમ્બડાળે ઝૂલી હારમાળા પંક્તિની હવે તો હરિ આવો ને...! 

રેશમી દોરીએ લટકે ફૂલો શબ્દ બની હવે તો હરિ આવો ને...! 

આ વસંત ખીલે શતપાંખડી, હવે તો હરિ આવો ને;

આ સૃષ્ટિ એ ધર્યા સોહાગ; હવે તો હરિ આવો ને;

આ વિશ્વ વદે છે વધામણી, હવે તો હરિ આવો ને;

આવી વાંચો અમારા સૌભાગ્ય; હવે તો હરિ આવો ને...! 

ઉપર ચીંટકાવ્યું ઝાંકળ જો બુંદ બની હવે તો હરિ આવો ને...! 

ઉગ્યુ'તું મેઘધનુ ઝાંકળ મહીં પર્ણની હવે તો હરિ આવો ને...!