હું તને પ્રેમ કરું છું...

કોઈ તારણ વિના એક વહેમમાં રહું છું 

કે હું તને પ્રેમ કરું છું,

તું હા પાડ, સાથે મનાવીશું આ દિવાળી,

નહીં તો જો આ આવી હોળી,

લે સળગાવ, મારો દેહ ધરું છું.

સો હકીકતોની વચ્ચે એક કલ્પના એ છે,

જ્યાં તારા કદમ છે જ્યાં તું ફર્યો છે,

ત્યાં હવા બની હું ફરું છું.

ડૂબી ન જાય દરિયો ખુદ દરિયામાં,

એ ડરે દરિયાની મદદે દરિયામાં,

તણખલું બની હું તરું છું.

જીવનની બધી આશા રહી છે તારા સાથે,

તારા નામની મહેંદી લગાવી મારા હાથે,

બધાને કહું, હું તારાં પર મરું છું.