બ્રેકઅપ

ચાલને

આપણે મળીએ

પણ મળીએ તો મળશે શું ?

કહું !?

હા...!!

તો સાંભળ...

થોડી હુંફ, થોડો હરખ

ને થોડીવારનો એકબીજાનો સ્પર્શ

આ બધુ થોડું થોડું મળશે.

બસ એટલું જ !!

સારું રહેવા દે મળવાનું

ચાલને

આપણે છૂટા પડીએ

પણ છૂટા પડીએ તો મળશે શું ?

કહું ?

હા...!!

તો સાંભળ...

ઘણા આંસુ, ઘણો વસવસો

ઘણી બધી યાદ,

ઘણા ઉજાગરા,ઘણી એકલતા

ને ભારોભાર વેદના

ઘણું બધું મળશે.

માથાકૂટ શું કરવી થોડા માટે

આપણે પામીએ ઘણું બધું

તો ચાલને

આપણે છૂટા પડીએ.