હું છું નારી

હા, છું હું એક સ્ત્રી, અબળા કે નારી,

હું આમ જ હિંમત નહીં જાઉં હારી,

મંજૂર છે પરિવારની સઘળી જવાબદારી,

પણ મારા સપનાંઓ પર ન ચલાવો આરી,

ધબકતું, લાગણીશીલ હૃદય છે મારી ભીતર,

ન ચૂપ કરાવો ગુંજતા મારી અપેક્ષાનાં ગીત,

માત્ર ઘરેણાં લાદી નથી શોભાવું મારે દેહ,

માન સન્માન વિના, એ લાગે મને છેહ,

મંદિરમાં મા દુર્ગાને શીશ નમાવી પૂજે,

ને ઘરની સ્ત્રી અપમાને ખૂણે આંસુ લૂછે,

પરિવાર, નોકરી, સમજ સૌ પ્રેમથી નિભાવતી,

સ્ત્રી પોતાની સાથે થોડું જીવવા માંગતી.