હરખની ઘડી

આવ્યા દિવાળીના રૂડા તહેવાર જો,

ચાલો નિભાવીએ સૌ વહેવાર જો,

 હરખની ઘડી આવી આંગણે રે લોલ !

આંગણે રંગોળી પુરી સોહામણી જો,

આનંદના પુર્યા રંગ સાત સાત જો,

હરખની ઘડી આવી આંગણે રે લોલ !

દિવડાઓથી સજાવી હારમાળા જો,

અંધકાર દૂર થવાની સૌને આશ જો,

હરખની ઘડી આવી આંગણે રે લોલ !

સ્વચ્છતાના બન્યા સૌ આગ્રહી,

પ્રભુ રામના આગમનની હામ જો,

હરખની ઘડી આવી આંગણે રે લોલ !

મનદુઃખ સંગાથે સૌ ભૂલ્યા રે,

પ્રેમના તાંતણે થયાં એકમેક રે,

હરખની ઘડી આવી આંગણે રે લોલ !